Pamje të euphorìa-s në Lindje dhe Perëndim

Abstract

Euphorìa, apo mirëqenia, apo lumturia, apo suksesi, sikundër priren të shprehen një pjesë e mendimtarëve, duke përdorur kësisoj terma alternativë, është një nga konceptet më të rëndësishme në fushën e etikës dhe në atë të etikës filozofike. Koncepti i euphorìa-s, term të cilin latinët e përvetësuan nga helenët, e ka prejardhjen nga mbiemri europhós, i cili mbart kuptimin e të shëndetshmes, e të mirëqenëshmes. Shkolla të ndryshme të mendimit e kanë përvetësuar dhe integruar këtë koncept në sistemet e tyre etike dhe morale. Për këtë arsye, termi në fjalë ka gëzuar vazhdimisht vëmendjen e sistemeve të ndryshme të të menduarit, qoftë në Lindje, qoftë në Perëndim, duke u shfaqur kësisoj krejt vetvetishëm në një prej koncepteve themelore të sistemeve në fjalë