خاندانی نظام کی تعمیر وترقی میں میاں بیوی کاکردار قرآنی تعلیمات کی روشنی میں

Abstract

میاں بیوی خاندانی نظام کی بنیادی اکائی ہواکرتےہیں ۔یہ ایک ایسا ناگزیر رشتہ ہے جس سے پورے خاندان اورسوسائٹی کی بھلائی وابستہ ہے دونوں کے کندھوں پر خاندان ، وطن اورانسانیت کی ذمہ داری ہوتی ہے ، ان کے کردار سے آنے والی نسلیں بھی متاثر ہوسکتی ہیں اس لیےاگران کاکردارمثبت اورذمہ داری نبھانے کے اصول اسلوب ِ قرآن کے مطابق ہوں توان کی اولاد اورسوسائٹی پر اس کے مثبت اثرات اورنتائج مرتب ہوں گے لیکن اگران کاکردار منفی اور ذمہ داری نبھانے کے اصول قرآنی تعلیمات سے ہٹ کر ہوں تواس کےنتائج اوراثرات بھی پریشان کن ہوں گے۔ لہذا ضرورت اس امر کی ہےکہ قرآنی تعلیمات کی روشنی میں ان اقدامات کی نشاندہی کی جائے کہ جن سے میاں بیوی کےدرمیان پیش آنےوالےناموافق حالات کاسدباب کیاجاسکے۔لہٰذااس مختصر سے مقالے میں اسلوب ِ قرآن کے مطابق اس بات کی نشاندہی کی جار ہی ہے کہ میاں بیوی کو اپنی ذات اور دوسروں کے اعتبار سے کن اخلاق حسنہ اور صفات حمیدہ کا حامل ہونا چاہیے ؛ تاکہ اس رشتہ سے ایک اچھی اسلامی اور فلاحی سوسائٹی کی تشکیل و تعمیر ہو سکے۔