عدل اجتماعی کے قرآنی تصور کا تحقیقی جائزه

Abstract

عدل ایک ایسی صفت ہے جس کا حصول ہر دور میں تمام انسانوں کا بنیادی ہدف رہا ہے ،قرآن مجید میں اللہ تعالیٰ نے بہت سی آیات کریمہ میں عدل اجتماعی کے اسلامی تصور کو اجاگر فرمایا ہے اور اسے انبیائے کرامؑ کی بعثت کے اہداف میں سے شمار کیا ہے۔ قرآن مجید عدل کا ایک آفاقی تصور پیش کرتے ہوئے انسان سے اس بات کا تقاضا کرتا ہے کہ وہ اپنی ذات کے خول سے نکل کر رشتہ داری، رنگ، نسل، مذہب ،دوستی اور دشمنی کو بالائے طاق رکھتے ہوئے ہر حال میں عدل اجتماعی کے قیام کی کوشش کرے جس سے ایک بہترین اسلامی معاشرے کا قیام عمل میں آ سکے۔